Callum Lawson mun ekki leika með Íslandsmeisturum Þórs á næsta tímabili í úrvalsdeild karla samkvæmt frétt Hafnarfrétta, en hann er sagður ætla að reyna fyrir sér á meginlandinu.

Í stað hans hefur félagið samið við hinn danska Daniel Mortensen um að leika með liðinu, en hann kemur til Þórs frá dönsku meisturunum Bakken Bears. Þá hefur félagið einnig samið við Litháann Ronaldas Rutkauskas, sem kemur til liðsins frá CEP Lorient í Frakklandi.