Skallagrímur hefur gengið frá ráðningu á Goran Miljevic fyrir komandi tímabil í úrvalsdeild kvenna. Guðrún Ósk Ámundadóttir sagði starfi sínu lausu sem þjálfari liðsins eftir síðasta tímabil og mun Goran því koma í stað hennar.

Goran er reynslumikill þjálfari sem hefur á feril sínum meðal annars þjálfað í Þýskalandi, Serbíu og nú síðast í Ísrael.

Tilkynning:

KKd. Skallagríms og Goran Miljevic hafa gert með sér samkomulag um þjálfun meistaraflokks kvenna næstur tvö árin. Goran er með gríðarlega reynslu sem þjálfari og hefur þjálfarð meðal annars í Þýskaladi, Serbíu og nú síðast var hann á mála hjá Hapol Eliat í Ísrael. Goran kemur inn með mikla reynslu og þekkingu á leiknum en hann kemur einnig að þjálfun í yngri flokkunum og þá mun hann sjá um einstaklings og tækniæfingar ásamt því að vera yngri þjálfurum deildarinnar innan handar.
Goran þekkir ágætlega til Íslands en hann hefur komið hingað og þjálfað í körfuboltabúðum nú síðast í Vestrabúðirnar 2019.
Goran mætir til starfa fljótlega í byrjun Ágúst og er nú unnið hörðum höndum að því að gera liðið klárt fyrir veturinn og er von á fleiri fréttum fljótlega.
KKd. Skallagríms bíður Goran hjartanlega velkominn í Skallagrím..