Garðurinn hans Gústa er verkefni sem nokkrir vinir Ágústar H. Guðmundssonar standa að. Markmiðið er að reisa veglegan körfuboltavöll við Glerárskóla. Þegar völlurinn er full kláraður fær Akureyrarbær völlinn afhentan í nafni Ágústar. Ágúst var mikill körfuknattleiksunnandi og markaði djúp spor í sögu íþróttarinnar þar í bæ.

Ásamt því að spila á sínum yngri árum fyrir Þór var Ágúst þjálfari hjá félaginu til fjölda ára og er sigursælasti þjálfari þess frá upphafi. Flestar æfingar og leiki þjálfaði Ágúst í íþróttahúsinu við Glerárskóla og því er við hæfi að völlurinn rísi við þann skóla. Ágúst var harður Boston Celtics aðdáandi og því lá það beinast við að körfuboltavöllurinn fengi nafnið Garðurinn en heimavöllur Boston Celtics kallast TD Garden.

Söfnun hefur verið sett af stað til þess að safna fyrir Garðinum hans Gústa á Akureyri, en allar frekari upplýsingar um hvernig megi leggja málefninu lið er að finna á Facebook síðu hópsins hér.