Körfuboltatölfræðingurinn Hörður Tulinius hefur reiknað út stöðu liða Dominos deildar kvenna eftir fyrstu sautján umferðirnar útfrá því sem í daglegu tali þekkist sem tölfræði fyrir lengra komna (e. advanced statistics) og þekkist víða í hinum stóra heimi körfubolta.

Hörður Tulinius / twitter.com/HordurTulinius

Samkvæmt greiningunni er Valur með langbesta lið deildarinnar með 18,3 í Net Rating. Næst á eftir þeim kemur Keflavík með 9,3 og Haukar í því þriðja með 8,8 í Net Rating. Versta lið deildarinnar er KR með -21,6 og Snæfell þar á eftir með -12,2, en líkt og í stigatöflunni sjálfri er nokkuð langt í næsta lið.

Á sóknarhelmingi vallarins ber Valur höfuð og herðar yfir hin liðin með 1,5 í einkunn, en næst besta sóknarliðið er svo Fjölnir með 3,5. Langsamlega verstu sóknirnar eru hjá KR, 6,3 og Snæfell 6,0.

Á varnarhelmingi vallarins eru Haukar besta liðið með 2,9 í einkunn. Næst besta vörnin er svo í Keflavík, 3,2 og Valur í þriðja með 3,5. Versta vörn deildarinnar er hjá KR, 7,4 og þar á eftir hjá Snæfell, 6,2.

Þá er þarna einnig að finna útreikninga fyrir hraða liðanna. Samkvæmt töflunni er það Fjölnir sem spilar hraðast, 81,3 sóknir í leik og Snæfell, 80,5 sóknir í leik. Hægast spilar Skallagrímur 76,9 sóknir í leik og næst hægast Keflavík 77,8 sóknir í leik.

Hörður Tulinius / twitter.com/HordurTulinius

Fyrir frekari útskýringar á flokkum fjórþáttagreiningarinnar er hægt að lesa hér