KKÍ og Rafíþróttasamtök Íslands auglýsa eftir áhugasömum og reyndum NBA2K spilurum til þess að taka þátt í fyrsta landsliðverkefni Íslands í rafrænum körfuknattleik.

Mun íslenska liðið vera þátttakandi í FIBA Esports Open III sem hefst nú í apríl.

Hérna er hægt að kynna sér mótið

Allar frekari upplýsingar um hvað þurfi til og hvernig megi skrá sig er að finna hér fyrir neðan.

Fréttatilkynning:

KKÍ X RAFÍÞRÓTTASAMTÖK ÍSLANDS: KEPPNI Í NBA2K Á FIBA ESPORTS OPEN III

FIBA í samstarfi við NBA stendur fyrir keppni landsliða á FIBA Esports Open III á netinu í tölvuleiknum NBA2K og hefur KKÍ skráð Ísland til leiks í fyrsta sinn.

Verkefnið er unnið í samvinnu við Rafíþróttasamtök Íslands. Keppt verður innan 6 heimsálfa fyrst og 36 lönd taka þátt og munu keppa í undankeppnum og svo verða úrslit í lokin.

KKÍ leitar hér með að áhugasömum og reyndum spilurum sem hafa áhuga á að keppa í landsliði Íslands í liði 5-gegn-5 gegn öðrum landsliðum í mótinu en keppt verður á Playstation 5. Áætlað er að hefja keppni í apríl þannig að tíminn er takmarkaður til að setja saman lið og býður KKÍ áhugasömum um að skrá sig í formið hér neðar sem vilja taka þátt.

Þátttökukröfur eru eftirfarandi:
– Leikmenn þurfa að vera 16 ára eða eldri
– Öll kyn mega taka þátt saman
– Þátttakendur þurfa að vera íslenskir ríkisborgarar
– Þátttakendur þurfa að vera með leikmann í leiknum sem hefur 95 í MyCareer rating
– Þátttakendur þurfa að eiga PSN ID og vera með gilda PS Plus áskrift


Alls verða 7 spilarar í liði Íslands. FIBA og NBA setja upp keppnisvöll og landsliðsbúninga íslenska landsliðsins í leiknum. Keppt verður 5-gegn-5 í PRO AM MODE og keppt verður yfir netið úr aðstöðu Rafíþróttasamtakanna eða í stúdíói. 

KKÍ og Rafíþróttasamtökin munu ákveða endanlegt lið miðað við áhuga og hæfni endanlegt landslið Íslands í keppninni.

Um mótið:
• 36 Landslið taka þátt (voru 17 síðast)
• 6 álfur
• 252 Esport spilarar
• 97 leikir
• 70 klst. af beinum útsendingum
• 2.5 milljón áhorfa á samfélagsmiðlum á Open II

Skráning fer fram á forminu hér að neðan til og með miðvikudagsins 7. apríl.

– Skráningar form KKÍ x FIBA x Rafíþróttasamtök Íslands –

Taka þarf fram eftirfarandi upplýsingar í forminu:
– Fullt nafn
– Fæðingardag og ár
– Símanúmer
– Netfang
– Frá félagi (ef við á)
– – – – – – – – – – – – – – –
– MyCareer leikmaður rating? (verður að vera 95+)
– Playstation 4 eða 5?
– PS Plus áskrift? (já/nei)