Keflavík hélt sigurgöngu sinni áfram í Dominos deild kvenna er liðið lagði Skallagrím í Borgarnesi í spennandi leik, 67-71. Keflavík er eftir leikinn með 18 stig, jafn mörg og Valur í 1.-2. sæti deildarinnar, en Keflavík á tvo leiki til góða á þær. Skallagrímur er sem áður í 5. sætinu með 10 stig.

Staðan í deildinni

Atkvæðamest fyrir heimakonur í Skallagrím í leiknum var Sanja Orozovic með 17 stig og 11 fráköst. Fyrir Keflavík var það Daniela Morillo sem dróg vagninn með tröllatvennu, 24 stigum og 21 frákasti.

Bæði lið leika næst komandi miðvikudag 3. mars. Keflavík fær Hauka í heimsókn á meðan að Skallagrímur og Breiðablik mætast í Borgarnesi.

Tölfræði leiks