Flenard Whitfield hefur samkvæmt heimildum Körfunnar fengið félagaskipti til Tindastóls.

Flenard sem er framherji hefur áður leikið á Íslandi en hann var í liði Skallagríms veturinn 2016-2017 og var m.a. stigahæsti leikmaður deildarinnar sem og næstfrákastahæsti leikmaður deildarinnar. Þá lék hann með Haukum tímabilið 2019-20, en þá skilaði hann 21 stigi og 10 fráköstum að meðaltali í leik.

Flenard er 201 sm á hæð og er 30 ára gamall. Ásamt því að hafa leikið á Íslandi hefur hann einnig leikið í Finnlandi og í Kanada og var lykilmaður hjá Karhu í Finnlandi sem varð meistari 2017-2018.