Íslenska karlalandsliðið leikur fyrri leik sinn í undenkeppni heimsmeistaramóts 2023 í sóttvarnarbólu FIBA í Slóvakíu gegn Lúxemborg komandi fimmtudag kl. 13:00. Verður leikurinn í beinni útsendingu á RÚV, en til þessa hefur liðið tapað einum leik (Kósovó) og unnið einn (Slóvakía) í keppninni.

Þjálfari Lúxemborg Pit Rodenbourg var í viðtali á vefmiðil sambandsins um leikinn gegn Íslandi á dögunum. Sagði hann þar að liðið yrði að einblína á leik sinn, þar sem ekki væri hægt að fá allar upplýsingar um andstæðinga fyrir svona leiki. Enn frekar sagði hann:

“Ísland er besta liðið í deildinni okkar að mínu mati. Í Tryggva Hlinasyni eru þeir með nokkuð stóran og sterkan leikmann undir körfunni. Við hreinlega verðum að hafa gætur á honum. Hann er að skora 21 stig að meðaltali í þessum leikjum og þá leiðir hann deildina í fráköstum. Restin af liðinu þeirra spilar nokkuð svipað hraðan bolta og við. Markmiðið er að hitta úr skotunum okkar og ná að koma þeim á óvart”

Ljóst er að Lúxemborg verður að ná í sigur gegn Íslandi ætli þeir sér að komast upp úr riðlinum. Til þessa hefur liðið tapað báðum leikjum sínum í mótinu. Þeim fyrri gegn Slóvakíu með 8 stigum og síðan Kósovó með 4 stigum.

Hér má sjá heimasíðu mótsins