Þór Akureyri staðfesti rétt í þessu að Bjarki Ármann Oddsson hafi verið ráðinn þjálfari Dominos deildar liðs karla hjá félaginu, en þar mun staðfestur orðrómur sem Karfan birti fyrst miðla þann 20. síðastliðinn vera staðfestur.

Fyrr í mánuðinum hafði félagið sagt upp samningi sínum við bandaríska þjálfarann Andy Johnston. Johnston þjálfaði liðið í aðeins einn deildarleik, en það var tapleikur fyrir Keflavík í fyrstu umferðinni.

Bjarki er uppalinn Þórsari sem lék með liðinu upp alla yngri flokka og í meistaraflokki, þá lék Bjarki einnig með KR veturinn 2006 – 2007. Síðastliðin ár hefur hann haldið til á Austurlandi þar sem hann hefur gert flotta hluti með yngri flokka á Reyðarfirði.