Árleg spá Körfunnar fyrir fyrstu deild kvenna er nú klár en sérstakir sérfræðingar Körfunnar settu saman spánna. Sérfræðingarnir eru pennar Körfunnar, leikmenn og þjálfarar sem verið hafa í eða í kringum deildina.

Fyrsti leikur deildarinnar er annað kvöld þegar að Ármann tekur á móti Hamar/Þór kl. 18:45 í Laugardalshöllinni, en hin lið deildarinnar fara svo af stað þann 23. og 26. næstkomandi

Sé litið til þeirra stiga sem lið Njarðvíkur fær þetta árið eru þær nokkuð örugglega í efsta sæti í spánni. Í fyrstu deildinni eru spiluð undanúrslit fjögurra efstu liðanna og svo úrslit um sæti í Dominos deildinni á milli sigurvegara þeirra einvígja. Miðað við þessa spá fyrir tímabilið ættu Grindavík, ÍR og Tindastóll einnig að vera nokkuð örugg með sín sæti í þeirri úrslitakeppni.

Nokkuð fall er svo niður í Hamar/Þór og Stjörnuna, sem spáð er í 5. og 6. sætið. Þar fyrir neðan er svo aftur nokkur munur á liðunum sem spáð er í 7.-9. sætið.

Samkvæmt þessu ætti deildin því að vera þrískipt, þar sem liðin í 1.-4., 5.-6 og 7.-9. munu raða sér í sætin í vetur.

Hér fyrir neðan er hægt að sjá spá sérfræðinga Körfunnar og þau stig sem liðin fengu í útreikningum:

  1. Njarðvík – 8.4
  2. Grindavík – 7.93
  3. ÍR – 6.8
  4. Tindastóll – 5.93
  5. Hamar/Þór – 4.2
  6. Stjarnan – 3.93
  7. Vestri – 2.87
  8. Ármann – 2.60
  9. Fjölnir B – 2.33