Fyrirliðar Dominos deildarliðs Njarðvíkur, þeir Ólafur Helgi Jónsson og Logi Gunnarsson, hafa báðir framlengt samninga sína við félagið og munu því taka slaginn með liðinu á næsta tímabili.

Leikmennirnir báðir að upplagi úr Njarðvík skiluðu mikilvægu hlutverki fyrir liðið á síðasta tímabili. Logi með 9 stig og Ólafur Helgi með 5 stig og 4 fráköst að meðaltali í leik.

Njarðvík endaði í 5. sæti Dominos deildarinnar, en tímabilinu var aflýst þegar að einn leikur var eftir af deildarkeppninni.