Nú er það orðið ljóst að enginn verður krýndur Íslandsmeistari í efstu deildum karla og kvenna árið 2020. Útaf Covid-19 heimsfaraldrinum hefur öllum mótum verið aflýst og þar af leiðandi verður engin úrslitakeppni leikin um þann stóra.

Þetta finnst Körfunni skiljanlegt, en ekki nógu gott og ætlar hún á næstu dögum að komast að því hvaða lið hefðu verið líklegust til þess að vinna titlana með hjálp samskiptaforritsins Twitter.

Fyrsta umferðin er 8 liða úrslit Dominos deildar karla, þar sem kosning er komin í gang og hafa lesendur nú 24 tíma til þess að kjósa um sigurvegara seríunnar.

Svo mun koll af kolli vera farið í gegnum umferðirnar í Dominos deildum karla og kvenna þangað til að meistari er ljós, en hægt er að sjá fyrstu atkvæðaseðlana hér fyrir neðan.