Síðasti leikur 12. umferðar Dominos deildar karla fór fram í kvöld.

Keflavík lagði Tindastól með 11 stigum, 95-84. Eftir leikinn er Keflavík í öðru sæti deildarinnar, tveimur stigum fyrir neðan Stjörnuna sem er í því efsta. Tindastóll er í þriðja til fjórða sætinu ásamt Njarðvík, tveimur stigum fyrir neðan Keflavík.

Staðan í deildinni

Þá var einn leikur í fyrstu deild karla.

Hamar vann Vestra í Hveragerði með 20 stigum, 106-86. Eftir leikinn er Hamar jafnt Hetti í efsta sæti deildarinnar, en Höttur á þó leik til góða á þá. Vestri sem fyrr í fjórða sætinu.

Staðan í fyrstu deildinni