Miðherjinn Emeše Vida hefur samið við Snæfell um að spila með liðinu í Domino’s deildinni á komandi tímabil.
Emeše, sem er með bæði serbneskt og ungverskt ríkisfang, er 26 ára og 188 cm miðherji en hún lék á sínum tíma með unglingalandsliði Serbíu.
Síðustu tvö tímabil hefur hún leikið með ZKK Bor í Serbíu en á síðustu leiktíð var hún með 17,0 stig og 11,4 fráköst að meðaltali í leik.
Fyrr í sumar bætti Snæfell við sig hinni bandarísku Chandler Smith og finnsku landsliðskonunni Veera Pirttinen.
