Þrettándu umferð Dominos deildar karla lýkur í kvöld með tveimur leikjum. Einnig fara þrír leikir fram í 1. deild karla.

Í Breiðholti mæta Haukar í heimsókn en bæði lið þurfa á sigri að halda eftir brösugt gengi uppá síðkastið. Hvorugt liðið hefur unnið leik síðan í nóvember en lengra er síðan ÍR vann eða þann 14 nóvember síðastliðinn. ÍR unnu fyrri leik liðanna örugglega í annari umferð.

Stórleikur umferðarinnar er vafalaust í DHL-höllinni þar sem KR tekur á móti Keflavík. Fyrri leikur liðanna var stórskemmtilegur og endaði með sigri Keflavíkur 85-79.

Nánar verður fjallað um leiki kvöldsins á Körfunni.

Leikir dagsins

Dominos deild karla:

ÍR – Haukar – kl. 18:30

KR – Keflavík – kl. 20:15

1. deild karla:

Fjölnir – Sindri – kl. 18:00

Snæfell – Selfoss – kl. 19:15

Þór Ak – Hamar – kl. 19:15