Norðurlandamótið hefst á morgun

Norðurlandamót U16 og U18 landsliða hefst á morgun 27. júní í Kisakallion í Finnlandi. Liðin mættu á svæðið um miðjan dag í gær ásamt fríðu föruneyti. 

Ásamt Íslandi eru það Danmörk, Svíþjóð, Finnland, Noregur og Eistland sem senda lið til leiks en mót þetta hefur verið haldið í fjölmörg ár við góðan orðstýr. Það er U16 lið karla sem á fyrsta leik á morgun, kl 10:30 að Íslenskum tíma. 

Dagskrá norðurlandamótsins.#korfubolti #körfubolti #nm2018 #kisakallio pic.twitter.com/LKqXXwwMkI

— KKÍ (@kkikarfa) June 27, 2018

Liðin hafa verið við æfingar í dag á keppnissvæðinu en líkt og síðustu ár er aðstaðan frábær til æfinga og keppni. Andstæðingar morgundagsins verða Finnar sem unnu þrjú gull og eitt silfur á síðasta móti og því ljóst að verkefnið er ærið á fyrsta degi. 

Karfan.is er á svæðinu og mun gera mótinu góð skil beint frá Finnlandi. Umfjallanir, myndir og viðtöl úr öllum leikjum Íslands auk annarra fregna. Allir leikirnir eru í beinni útsendingu á Youtube rás Finnska körfuboltasambandsins sem er einnig með lifandi tölfræði frá öllum leikjum. 

 

16 og 18 ára landslið drengja og stúlkna eru komin til Kisakallio í Finnlandi þar sem norðurlandamótið fer fram. Í dag er æfingarnardagur og svo hefst mótið a morgun. Hér er Ágúst Björgvinsson, þjálfari 16 ára liðs drengja, að stýra æfingu hjá sínu liði í morgun. #körfubolti #korfubolti #basketball #nm2018 #kisakallio

A post shared by Körfuknattleikssamband Íslands (@kkikarfa) on Jun 27, 2018 at 4:07am PDT

Hægt er að nálgast lifandi tölfræði á basket.fi.

Hægt er að nálgast beina útsendingu á Youtube.