Leikstjórnandinn Þóra Kristín Jónsdóttir setti persónulegt met á tímabilinu með Haukum í fyrsta sigri undanúrslitanna gegn Skallagrím. Þóra var 5-7 í þristum í leiknum en þetta var í fyrsta sinn sem hún setur 5 þrista í leik þetta tímabilið, 71% nýting takk fyrir!

Einu sinni áður í vetur hafði hún skorað fjóra þrista í leik, var þá 4-7 í þristum í 67-71 sigri gegn Val. Eitthvað er leikstjórnandinn að fá betra lúkk núna heldur en í fyrra eða þrotlausar skotæfingar að baki því á síðasta tímabili var hún 17,8% þriggja stiga skytta en hoppaði upp í 33% í deildarkeppninni þessa vertíðina.

Stuðið fyrir utan þriggja stiga línuna gegn Skallagrím setur Þóru í 7.-8. sæti yfir flesta þrista í leik á tímabilinu en efst á lista er Keflvíkingurinn Brittanny Dinkins með 8 þrista í leik gegn Haukum.

Aðeins tveir íslenskir leikmenn hafa sett fleiri þrista í einum leik heldur en Þóra en það eru Guðbjörg Sverrisdóttir leikmaður Vals (6) og Bríet Sif Hinriksdóttir (6) leikmaður Stjörnunnar.

Topp 10 listi þeirra sem gert hafa flesta þrista í leik á tímabilinu:

Nr. Leikmaður Leikur Leiktími Stigaskor Hæsta gildi
1. Brittanny Dinkins Keflavík – Haukar 13-12-2017 19:15 88:101 8
2. Whitney Kiera Knight Skallagrímur – Breiðablik 31-01-2018 19:15 66:57 7
3. Guðbjörg Sverrisdóttir Njarðvík – Valur 06-12-2017 19:15 63:82 6
4. Kristen Denise McCarthy Skallagrímur – Snæfell 08-10-2017 19:15 73:84 6
5. Bríet Sif Hinriksdóttir Skallagrímur – Stjarnan 13-12-2017 19:15 81:91 6
6. Bríet Sif Hinriksdóttir Njarðvík – Stjarnan 24-01-2018 18:00 64:86 6
7. Ivory Crawford Njarðvík – Breiðablik 28-10-2017 16:30 67:82 5
8. Þóra Kristín Jónsdóttir Haukar – Skallagrímur 02-04-2018 19:15 88:74 5
9. Helena Sverrisdóttir Skallagrímur – Haukar 25-02-2018 19:15 66:80 5
10. Helena Sverrisdóttir Njarðvík – Haukar 07-03-2018 19:15 75:85 5

Mynd/ Bára Dröfn – Þóra Kristín í leik eitt gegn Skallagrím.