TAU Castello sem leikur í spænsku B-deildinni vann óvæntan sigur á CB Prat rétt í þessu. Ægir Þór Steinarsson leikur með Castello og var allt í öllu fyrir liðið.
Leikurinn var æsispennandi í lokin en frábær þriðji leikhluti Castelló fór langt með sigurinn á Prat. Prat er spútniklið deildarinnar hingað til og situr í þriðja sæti deildarinnar. Að lokum fór svo að Castelló vann með minnsta mögulega mun 68-69 á útivelli.
Ægir átti algjörlega frábæran leik fyrir TAU Castello, endaði með 18 stig og tvær stoðsendingar. Á Facebook síðu félagsins segir að Ægir hafi tekið stjórnina á leiknum og klárað hann. Það er því nokkuð ljóst að okkar maður leiddi liðið til þessa óvænta og sögulega sigurs.
Með sigrinum komst Castello uppí sjötta sæti og tryggði sæti í úrslitakeppninni. Þetta er í fyrsta skipti í sögu félagsins sem liðið nær þangað en Castelló ætlar sér stóra hluti. Ægir þekkir vel til úrslitakeppninnar í deildinni en í fyrra komst hann og lið hans San Pablo Burgos uppí ACB deildina eftir sigur í úrslitakeppnina.
Hvort hann geti leikið það eftir á nýjan leik mun koma í ljós en nú eru þrjár umferðir eftir af deildarkeppninni.
VICTORIA!!! SOMOS DE PLAY-OFF!!! HISTÓRICO!!!
En un final que @AegirSteinars tomó el control del juego, el islandés anotó, sufrió faltas y ganamos. Gran partido equipo.
? @CBPrat 68
_x1f49a_ #TAUcastelló 69 pic.twitter.com/g1XHBiMCjf— TAU Castelló (@TAUcastello) April 7, 2018
Mynd / Facebook síða Castelló