Skallagrímur sigraði Fjölni í Fjósinu í kvöld, 88-86. Fjölnir kom cher í bílstjórasætið undir lok fyrsta leikhluta og virtust vera að keyra þessu heim(þrátt fyrir léleg skilyrði undir Hafnarfjalli). Skallagrímur komst inn í leikinn undir lok þriðja leikhluta og var leikurinn í þvílíkum járnum frá Límtré Vírnet. Síðustu mínútur leiksins voru allSVAKALEGAR og náðu Skallagríms menn að knýja fram sigur, 88-86 og tróna því vel á toppi fyrstu deildar.

 

Molar fyrir leik:

  • Dómarar leiksins voru þeir Sigurbaldur Frímansson og Friðrik Árnason.
  • Þorsteinn Erlendsson ritari leiks, var að koma úr glimrandi snyrtingu frá HárCenter.
  • Amelía var mætt í stúkuna.
  • Tóta Teits hornið: Tóti Teits spáði naumum sigri.
  • Bjarni Jóh var mættur í stúkuna og einnig sást í Kela 3000.

 

Byrjunarlið Skallagríms: Kristófer-Eyjólfur-Aaron-Bjarni-Flake.

Byrjunarlið Fjönis:  Samuel-Sigvaldi-Alexander-Rafn-Brynjar.

 

1.leikhluti.

 

Hraði og lítill sem engin varnarleikur var mottó leikhlutans. Fjölnir komu grimmari úr klefa og Skallagrímur réði ekkert við Samuel sem var komin með 14 stig eftir leikhlutan. Skallagrímur spilaði mjög lausa“SOFT“ vörn og fengu þeir einungis eina villu í hlutanum. Fjölnir við stýrið eftir 1.leikhluta, 16-20.

 

2.leikhluti.

 

Fjölnir héldu áfram að nýta cher veika vörn Skallagríms. Skallagrímu voru að reyna mikið af einstakling leikatriðum, sem gekk engan vegin. Það var ekki fyrr en þeir smelltu cher  pressuvörn, niður í 2-3 svæðisvörn, sem eitthvað líf kom í leik þeirra.  Hikst kom í sóknarleik Fjölnis en það var hann Jón frá Skorholtisem sá um að Fjölnir var með 5 stiga forystu í hálfleik, 34-39.

 

3.leikhluti.

 

Jafnræði var með liðum til að byrja með.  Liðin skiptust á körfum en í stöðunni 48-50 kemur Samuel með þriggja stiga körfu og 4 villu á Aaron Parks og þurfti Aaron að gjöra svo vel að taka sæti á bekknum. Fjölnir náðu rosa stemmingu eftir þetta atriði og Andrés frá Stóra-Kroppi kom með góða spretti. Fjölnir kláraði leikhlutan með 8 stiga forskoti,  60-68.

 

4.leikhluti.

 

Fjölnir náði að komast í 13 stiga forystu þegar um 8 mín lifðu af leiknum, 60-73. En Aaron kom þá með 10-0 sprett fyrir Skallana og Falur þurfti að taka leikhlé. 6.40 mín lifðu af leiknum. Bæði lið fóru að skiptast á körfum en Skallar komust 4 stigum yfir þegar um 1.20 mín lifðu.Samuel kom þá með RISA þrist en Eyjólfur svaraði með gegnumbrots körfu. 86-83. Fjölnir fer í sókn og Samuel setur annan RISA ÞRIST til að jafna leikinn. 86-86 og 16 sek eftir. Skallagrímur tekur leikhlé. Boltinn endaði í höndum Kristjáns Ómars í horninu og setti hann niður stökkskot þegar 0.04 sk voru eftir. 88-86!!! Fjölnir náðu ekki að gera neitt í sinni sókn og sigur Skallagríms staðreynd.

 

Skallagrímur virtust þreyttir, áhugalausir og spiluðu ekki saman sem lið í um 20 mínútur. En þessar hinar 20 mínútur voru þeir frábærir. Spiluðu að ákafa og spiluðu saman, sem lið. Byrjunarlið Skallagríms var geggjað á þessum 15 mínútum, með þá Davíð og Kristján af bekknum einnig flotta.

 

Fjölnir voru góðir. Samuel, Andrés og Sigvaldi drógu vagninn og virtust þeir vera að sigla þessu heim fyrir þá. En það vantaði að gera almennilega út um leikinn, því þeir voru með stemminguna með cher. Flott lið og styrkir Andrés liðið töluvert, sem og að Samuel spilaði glimrandi í kvöld.

 

 

Tölfræði leiksins

Myndasafn (Ómar Örn)

 

Viðtöl eftir leik:

 

Umfjöllun og viðtal: Hafþór Ingi Gunnarsson

Myndir: Ómar Örn Ragnarsson