Hið árlega Póstmót Breiðabliks fer fram helgina 27.-28. janúar næstkomandi. Mótið er fyrir iðkendur, stráka og stelpur, á aldrinum 6-11 ára en keppt er í 6 aldursflokkum og fer mótið fram í Smáranum.

 

Stig eru ekki talin og verður leikgleðin í fyrirrúmi, hvert lið spilar sína leiki á um 3 klukkutímum og allir fá verðlaunapening, eftir að leikjum lýkur á laugardeginum verður boðið uppá troðslusýningu og tónlistaratriði þar sem Góði ÚLFURINN og Jóipé & Króli stíga á stokk. Einnig verða teknar liðsmyndir af öllum liðum sem hægt verður að sækja endurgjaldslaust.

Síðasti skráningardagur er þriðjudagurinn 24. janúar en skráningar skilast á netfangið halldor@breidablik.is, þátttökugjald er 3500 kr á iðkanda.

 

Mótsreglur:
· Leiktími er 2×12 mínútur
· 4 leikmenn eru inná í hvoru liði
· Skipta má inná hvenær sem er á leiktímanum
· Leikið er eftir minniboltareglum KKÍ
· Stig eru ekki talin
· Vörn er ekki leyfð fyrir framan miðju
· Ef brotið er á skotmanni er gefið eitt vítaskot

Dómarar Póstmótsins skulu:
· Vera virkir þátttakendur í leiknum og leiðbeina leikmönnum þegar það á við
· flauta hátt og segja leikmönnum skýrt hvað var dæmt og hver eigi boltann
· Ná í boltann við hvern dóm og afhenda í innkasti, gott að leyfa þeim leikmanni sem brotið var á að taka innkastið
· Leiðbeina leikmönnum hvar þeir eigi að standa í vítaskotum