Fimm leikir fóru fram í NBA deildinni í nótt. Í Oakland sigraði efsta lið deildarinnar Golden State Warriors lið New York Knicks með 123 stigum gegn 112. Atkvæðamestur fyrir Warriors var Stephen Curry með 32 stig, 6 fráköst og 7 stoðsendingar á meðan að Michael Beasley dróg vagninn fyrir Knicks með 21 stigi, 4 fráköstum og 4 stoðsendingum. Warriors sem fyrr lang efsta lið deildarinnar það sem af er. Hafa unnið 79,2% þeirra 48 leikja sem búnir eru af tímabilinu.

 

Þá sigraði laskað lið Los Angeles Lakers sína höfuðandstæðinga í Boston Celtics með 108 stigum gegn 107. Í fjarveru nýliða-leikstjórnandans Lonzo Ball steig hinn nýliði þeirra Kyle Kuzma upp og skoraði 28 stig (17 í fjórða leikhluta) tók 4 fráköst og gaf  3 stoðsendingar. Fyrir Celtics var Kyrie Irving allt í öllu, setti 33 stig, tók 3 fráköst og gaf 4 stoðsendingar.

 

 

Mikið var gert úr baráttu tveggja nýliða liðanna í gær, þeirra Kyle Kuzma hjá Lakers og Jayson Tatum hjá Celtics. Þrátt fyrir að hafa spilað 30 mínútur í leik næturinnar, er Tatum varla talinn hafa mætt, því hann skoraði aðeins 4 stig (16% fg) og tók 5 fráköst.

 

 

Sem fyrr eru Celtics þó við topp austurstrandarinnar þrátt fyrir að hafa tapað síðustu fjórum leikjum, en Lakers eru rétt fyrir neðan miðju vesturstrandarinnar, búnir að sigra síðustu þrjá sína.

 

Úrslit næturinnar

Sacramento Kings 105 – 99 Orlando Magic

Brooklyn Nets 108 – 109 Oklahoma City Thunder

Cleveland Cavaliers 102 – 114 San Antonio Spurs

New York Knicks 112 – 123 Golden State Warriors

Boston Celtics 107 – 108 Los Angeles Lakers

TENGDAR GREINARMEIRA FRÁ HÖFUNDI