Heil umferð fór fram í Dominos deild kvenna eftir að hlé hafði verið gert á deildinni á meðan að úrslit Maltbikarkeppninnar höfðu farið fram í síðustu viku. Í TM Höllinni í Keflavík sigruðu bikarmeistararnir topplið Vals, í Garðabæ vann Stjarnan lið Breiðabliks, Haukar unnu Njarðvík í Hafnarfirði og í Borgarnesi sigraði lið Snæfells heimastúlkur í Skallagrími.
Staðan við topp deildarinnar því næstum óbreytt, en Haukar og Keflavík þó nú aðeins einum sigurleik frá Val í efsta sætinu eftir umferðina.
Úrslit kvöldsins
Dominos deild kvenna:
Haukar 87 – 55 Njarðvík
Skallagrímur 72 – 81 Snæfell
Keflavík 82 – 71 Valur
Stjarnan 72 – 63 Breiðablik
1. deild kvenna:
KR 93 – 36 Hamar
