Jakob Örn Sigurðarson gerði 14 stig í gær þegar Boras vann góðan 84-81 sigur á Jamtland í sænsku úrvalsdeildinni. Með sigrinum hoppaði Boras uppfyrir Jamtland í 3. sæti deildarinnar.

Jakob lék í 34 mínútur í leiknum og auk stiganna 14 var hann með 5 stoðsendingar og eitt frákast.

Næsti leikur Boras í deildinni er 12. janúar þegar liðið mætir Uppsala sem er í sjöunda og næstneðsta sæti deildarinnar.