Grindavík sigraði Njarðvík með 50 stigum gegn 47 í úrslitum Maltbikars 9. flokks stúlkna.
Fyrir leik
Í tveimur viðureignum þessara liða í vetur hafði Njarðvík haft sigur í tvö skipti. Í lið þeirra í dag vantaði þó Helenu Rafnsóttur, sem verið hefur stór hluti af þeirra velgengni.
Gangur leiks
Grindavík var mun sterkari aðilinn í fyrri hálfleik leiksins. Vinna fyrsta leikhluta með 9 stigum, 13-4. Í öðrum bæta þær svo bara í og eru með 17 stiga forystu þegar að leikmenn halda til búningsherbergja í hálfleik, 30-13.
Atkvæðamestar í fyrri hálfleik voru Vilborg Jónsdóttir fyrir Njarðvík með 9 stig og 3 fráköst á meðan að fyrir Grindavík var það Elísabet Ýr Ægisdóttir sem dróg vagninn með 7 stigum, 5 fráköstum, 3 stoðsendingum og 2 stolnum boltum.
Njarðvík kom svo mun betur til leiks í seinni hálfleiknum. Koma mun Grindavíkur niður í 9 stig fyrir lokaleikhlutann, 36-25. Í honum gera þær svo vel í að vinna forskotið enn frekar niður. Komast tveimur stigum næst þeim á lokamínútunum, en allt kemur fyrir ekki. Að lokum sigrar Grindavík með 3 stigum 50-47.
Tölfræðin lýgur ekki
Njarðvík tapaði 23 boltum í leik dagsins á móti aðeins 14 töpuðum hjá Grindavík.
Hetjan
Atkvæðamest í liði bikarmeistaranna í dag var áðurnefnd Elísabet Ýr Ægisdóttir, en hún skoraði 11 stig, tók 6 fráköst, gaf 3 stoðsendingar, stal 3 boltum og varði 3 skot á þeim 29 mínútum sem hún spilaði.
Umfjöllun / Davíð Eldur
Viðtal / Ólafur Þór
Myndir / Bára Dröfn
Viðtal:
