A landslið karla hefur leik í undankeppni HM á morgun þegar að þeir mæta heimamönnum í Tékklandi. Leikurinn annar tveggja sem liðið leikur í þessum glugga, en sá seinni er heima í Laugardalshöllinni þann 27. næstkomandi gegn Búlgaríu. 

 

Í dag fékk liðið sína fyrstu æfingu í Tipsport Höllinni í Pardubice, þar sem leikurinn mun fara fram.

 

Eftir æfingu í dag fóru leikmenn og aðstandendur liðsins í skotkeppni frá miðju. Sami leikmaður, nýliðinn Tómas Þórður Hilmarsson, vann allar keppnirnar, en hann mun á morgun leika sinn fyrsta leik fyrir A lið Íslands.

 

Í heildina voru þetta þrjú skot sem nýliðinn setti niður, en eftir það þriðja var keppni hætt og leikmenn héldu til baka á hótel.

 

Karfan náði upptöku af annarri keppni leikmannana eftir æfingu í dag, en hana má sjá hér fyrir neðan.