Mánaðarlega mun Karfan birta kraftröðun í vetur. Þar er ekki aðeins tekin til staða liðanna í deildinni, heldur einnig breytingar á leikmannahópum og það gengi, eða sú sveifla sem liðið er í á hverri stundu.
Nú skal 1. deild karla skoðuð. Það sem horft er til í þessari annarri útgáfu eru sigrar í deildinni (og gegn hvaða liðum), tölfræði liðanna og almennt hvernig liðið lítur út á vellinum. Tekið skal fram að við höfum haft rangt fyrir okkur áður og lið mega alveg hætta að væla yfir marklausri stöðu sinni í þessari kraftröðun samkvæmt mati Karfan.is.
Örvarnar á þessum lista merkja færslu liða á milli mánaða.
#1: Skallagrímur
Skallagrímsmenn byrja tímabilið vel og eru á toppi deildarinnar, en hafa enn ekki þurft að mæta hinum toppliðunum tveimur. Þeir eru aftur á móti að leiða deildina í framlagi, stigum og skotnýtingu þannig að í bili taka þeir toppstöðuna af Blikunum. Þeir eiga þó tvö topplið eftir í næstu tveimur viðureignum sínum svo við sjáum hvað setur í desember.
Breyting: Upp um eitt sæti
Næstu 5 leikir:
13. nóvember @ Breiðablik
16. nóvember gegn Vestri
23. nóvember gegn FSu
01. desember @ Fjölnir
03. desember gegn Hamar
#2: Breiðablik
Blikar hafa staðið sig vel og unnu fyrstu fjóra leikina sína, þ.á.m. leik gegn Vestra sem er meðal toppliðanna, en eftir tæpt tap gegn Hamri í seinustu umferð þá falla þeir um eitt sæti í röðuninni. Viðureign þeirra við Skallagrím næsta mánudag mun segja til um hvaða lið er best, en þangað til þá eru þeir aðeins á eftir Borgnesingum.
Breyting: Niður um eitt sæti
Næstu 5 leikir:
11. nóvember @ ÍA
13. nóvember gegn Skallagrímur
19. nóvember @ Snæfell
26. nóvember @ Gnúpverjar
01. desember @ Vestri
#3: Vestri
Þrátt fyrir að hafa úr fáum leikmönnum að moða og að allt byrjunarliðið er að spila yfir 30 mínútur að meðaltali í leik þá eru Vestramenn í öðru sæti deildarinnar og líta vel út. Það gæti komið þeim í vandræði seinna á tímabilinu að leggja svona mikið á leikmenn sína í hverjum leiknum á fætur öðrum en í bili rísa þeir í þriðja sætið.
Breyting: Upp um eitt sæti
Næstu 5 leikir:
03. nóvember gegn Hamar
16. nóvember @ Skallagrímur
26. nóvember @ Snæfell
01. desember gegn Breiðablik
03. desember @ Gnúpverjar
#4: Snæfell
Í Stykkishólmi er allt ágætt að frétta, Snæfellsmenn eru að fremstir 1. deildar liðanna í þriggja stiga nýtingu og eru líka duglegir að komast á vítalínuna. Þeir eru í 4. sæti í deildinni og núna í 4. sæti í kraftröðuninni.
Breyting: Upp um eitt sæti
Næstu 5 leikir:
12. nóvember @ Gnúpverjar
19. nóvember gegn Breiðablik
26. nóvember gegn Vestri
31. nóvember @ FSu
03. desember gegn Fjölnir
#5: Fjölnir
Liðið úr Grafarvoginum hefur aðeins rétt af hlut sinn eftir afleita byrjun. síðan þeir skiptu um erlendan leikmann sinn og fengu inn Samuel Prescott Jr. Vandinn er að það eru ekki það margir aðrir í liðinu sem eru að gera sitt. Þar til þeir vinna fleiri leiki eru þeir miðjumoðarar í kraftröðuninni.
Breyting: Upp um eitt sæti
Næstu 5 leikir:
10. nóvember gegn Gnúpverjar
13. nóvember gegn Hamar
24. nóvember @ ÍA
01. desember gegn Skallagrímur
03. desember @ Snæfell
#6: Hamar
Lærisveinar Péturs Ingvarssonar eru betri en talið var í fyrstu, en það er ekki langt liðið á tímabilið og væntingar gætu vel staðist, enda hafa Hamarsmenn aðeins unnið tvö nauma leiki. Annar var gegn toppliði Blika en hinn gegn ÍA. Erfitt að segja með Hvergerðinga, í bili verða þeir í 6. sæti.
Breyting: Upp um tvö sæti
Næstu 5 leikir:
10. nóvember gegn FSu
13. nóvember @ Fjölnir
17. nóvember gegn Gnúpverjar
01. desember gegn ÍA
03. desember @ Skallagrímur
#7: Gnúpverjar
Gnúpverjar hafa sýnt að þeir eru ekki jafn slæmir og við töldum í fyrstu, en þeir eiga langt í land ef þeir ætla sér að fara upp um þriðju deildina á þremur árum. Þeir hafa hingað til getað unnið liðin fyrir neðan sig. Sjöunda sætið er þeirra þar til þeir sigra lið fyrir ofan sig.
Breyting: Upp um tvö sæti
Næstu 5 leikir:
10. nóvember @ Fjölnir
12. nóvember gegn Snæfell
17. nóvember @ Hamar
26. nóvember gegn Breiðablik
03. desember @ Vestri
#8: FSu
FSu eru vonbrigði 1. deildarinnar í ár. Þjálfarinn hefur nú þegar verið rekinn og Karl Ágúst Hannibalsson tekinn við í bili. Það virðist eitthvað plaga liðið, þeir virðast ekki getað unnið nauma leiki hingað til og eru því fallkóngar kraftröðunarinnar.
Breyting: Niður um 5 sæti
Næstu 5 leikir:
10. nóvember @ Hamar
17. nóvember @ ÍA
23. nóvember @ Skallagrímur
30. nóvember gegn Snæfell
04. desember @ Breiðablik
#9: ÍA
Skagamenn hafa farið verr af stað en búist var við og það er ekki útlit fyrir að hagur þeirra vænkist á næstunni, sérstaklega í ljósi brotthvarfs Áskells Jónssonar reynslubolta og meiðsla Dereks Shouse. Þó að þeir séu ekki í neinni hættu með að falla niður í 2. deild að þessu sinni þá er ekki útlit fyrir að þeir muni eiga ánægjulegt tímabil. Botnsætið er þeirra.
Breyting: Niður um tvö sæti
Næstu 5 leikir:
10. nóvember gegn Breiðablik
17. nóvember gegn FSu
24. nóvember gegn Fjölnir
01. desember @ Hamar
08. desember gegn Gnúpverjar
