Grindvíkingurinn Jón Axel Guðmundsson var í gær valinn leikmaður vikunnar í Atlantic 10 deild bandaríska háskólaboltans ásamt leikmanni Dayton Josh Cunningham. Verðlaunin þau fyrstu sem veitt eru fyrir þetta tímabil, en þau eru fyrir fyrstu leikina spilaða 10.-12. nóvember síðastliðinn.

 

Jón var nálægt þrennunni í 110-62 sigri sinna manna á Charleston Southern skólanum. Skoraði 24 stig, tók 9 fráköst og gaf 8 stoðsendingar. Skilvirkni hans á vellinum með mikilli prýði, þar sem að hann tapaði boltanum aldrei, var 7/10 í heildarskotum, 5/8 úr djúpinu og 5/5 af vítalínunni.

 

TENGDAR GREINARMEIRA FRÁ HÖFUNDI