Ísland leikur sinn annan leik í undankeppni heimsmeistaramótsins í kvöld kl. 19:45 þegar liðið tekur á móti Búlgaríu í Laugardalshöll. Fyrsta leik keppninnar tapaði Ísland fyrir Tékklandi ytra síðasta föstudag, því mikilvægt fyrir liðið að koma til baka í kvöld og verja heimavöllinn.

 

13 manna hópur var valinn upphaflega fyrir verkefnið, en þar sem að bæði Tryggvi Snær Hlinason og Brynjar Þór Björnsson voru fjarri góðu gamni, þurftu þjálfarar ekki að velja þá 12 sem voru með í síðasta leik, þar sem liðið spilaði með aðeins 11 leikmenn. Í kvöld eru Brynjar og Tryggvi þó báðir í hóp liðsins og samkvæmt heimildum verður það Axel Kárason sem verður fyrir utan hóp í leiknum.

 

 

Lið Íslands gegn Búlgaríu:

Brynjar Þór Björnsson

Haukur Helgi Pálsson

Hlynur Bæringsson

Jakob Örn Sigurðarson

Kári Jónsson

Kristófer Acox

Logi Gunnarsson

Martin Hermannsson

Ólafur Ólafsson

Sigtryggur Arnar Björnsson

Tómas Þórður Hilmarsson

Tryggvi Snær Hlinason