Fyrir helgina sögðum við frá því að leikmenn Tindastóls og Grindavíkur borguðu sig inn fyrir leik í Mustad Höllinni, en aðgangseyrir leiksins sem og aðgangseyrir kvennaleikja Grindavíkur og Þórs frá Akureyri um helgina mun renna óskiptur til styrktar fjölskyldu Magnúsar Andra Hjaltasonar sem var bráðkvaddur í vikunni.

 

Lið Þórs frá Akureyri, sem og liðsmenn Grindavíkur borguðu sig einnig inn á leik liðanna í gær, en annar leikur þeirra fer fram í Mustad Höllinni kl. 14:30.

Magnús Andri lést langt um aldur fram en hann var um árabil formaður körfuknattleiksdeildar Grindavíkur.