Landsliðsmennirnir Haukur Helgi Pálsson og Martin Hermannsson verða á ferðinni í frönsku úrvalsdeildinni í kvöld. Báðir leika þeir kumpánar á útivelli en Martin og Chalons-Reims mæta Asvel sem er í 7. sæti deildarinnar með 4 sigra og 2 tapleiki rétt eins og Chalons-Reims sem þó vermir 5. sætið.

Haukur Helgi og félagar í Cholet mæta Le Mans á útivelli og það veðrur brekka því Cholet er í sautjánda og næstneðsta sæti deildarinnar með 1 sigur og 5 tapleiki á meðan Le Mans hafa unnið alla sex deildarleiki sína til þessa.

Mynd/ Facebook-síða Chalons Reims/ David Billy