Golden State Warriors sigruðu heimamenn í San Antonio Spurs í þriðja leik liðanna í úrslitum vesturstrandar NBA deildarinnar. Warriors því komnir í 3-0 forystu í einvíginu og freista þess að sópa Spurs út úr úrslitakeppninni með sigri í næsta leik.

 

Golden State voru betri aðili leiksins frá upphafi til enda. Voru 9 stigum yfir í hálfleik 64-55, Spurs þó aldrei langt undan. Minnstu munaði 8 stigum á liðunum í lokeleikhlutanum og með smá heppni hefði laskað lið Spurs hæglega getað gert þennan leik spennandi undir lokin. Allt kom þó fyrir ekki. Warriors sigldu nokkuð þægilegum 120-108 sigri í höfn.

 

Meiðsl verið nokkuð mikil hjá Spurs þessa úrslitakeppnina. Leikstjórnandi þeirra, Tony Parker, meiddist fyrr í úrslitakeppninni og tekur ekki frekari þátt í vetur. Stjörnuleikmaður þeirra, Kawhi Leonard, hefur ekki verið með síðan að leikmaður Warriors, Zaza Pachulia steig undir hann í skoti í fyrsta leik einvígis liðanna og ekki er talið líklegt að hann taki frekari þátt. Þá meiddist framherji þeirra, David Lee, í leik næturinnar, þar sem það leit ekki út fyrir að vera líklegt að hann tæki frekari þátt á þessu tímabili.

 

 

Atkvæðamestur fyrir Warriors var Kevin Durant með 33 stig, 10 fráköst og 4 stoðsendingar á meðan að fyrir Spurs var það Manu Ginobli sem dróg vagninn með 21 stigi og 2 stoðsendingum.

 

Manu klobbar David West:

 

Shea Serrano, blaðamaður og aðdáandi Spurs, sá ljósu hliðarnar hjá sínum mönnum:

 

 

Það helsta úr leiknum: