Á morgun munu Þór Akureyri og Stjarnan mætast í úrslitaleik 10. flokks drengja (fæddir 2001) á Scania Cup í Svíþjóð, en mótið er óopinbert norðurlandmót félagsliða í körfubolta. Þór Akureyri sigraði Skuru IF í dag í undanúrslitum með 80 stigum gegn 56 á meðan að Stjarnan hafði Horsens IC með 74 stigum gegn 71. Merkisdagur í langri sögu Íslands á mótinu þar sem að þetta mun vera í fyrsta skipti sem að tvö íslensk lið mætast í úrslitaleik.
Þessi tvö tilteknu lið eru þó ekki óvön því að mætast í úrslitaleikjum, en síðast léku þau til úrslita um Maltbikarinn í febrúar. Þar, eftir frábæra byrjun Þórsara, voru það Garðbæingar sem tóku öll völd á vellinum og lönduðu bikarmeistaratitlinum eftir frábæran seinni hálfleik, lokatölur 59-68. Þór á því harma að hefna og er aldrei að vita nema þeir nái að rétta sinn hlut á morgun.
Leikurinn er kl. 11:45 að sænskum tíma á morgun, en frekari upplýsingr um mótið er að finna hér.
Einnig viljum við benda á að lið Stjörnunnar mun vera með Snapchat aðgang Karfan.is á morgun, bæði fyrir og eftir þennan úrslitaleik.
Það verður íslenskur sigur hjá 2001árg.dr. á Scania ópinb.norðurlandam.félagsl. Stjarnan-ÞórAk mætast í úrslital á morgun-magnað #korfubolti
— Hannes S.Jónsson (@hannes_jonsson) April 16, 2017
Íslenskt lið vinnur Scania Cup 10.fl. drengja í ár. Þór Akureyri og Stjarnan mætast í úrslitaleik á morgun. #körfubolti
— Jón Svan Sverrisson (@__svan__) April 16, 2017
