Níu leikir fóru fram í NBA deildinni í nótt. Stærstu fréttirnar þær að með sigri á Brooklyn Nets hrifsaði Boston Celtics toppsæti austurstrandarinnar af Cleveland Cavaliers, sem glutruðu niður 11 stiga forskoti í fjórða leikhluta leiks síns gegn Miami Heat. Heat eru í baráttunni um áttunda og síðasta sæti inn í úrslitakeppnina við Indiana Pacers og Chicago Bulls, sem bæði unnu leiki sína í nótt. Aðeins einn leikur eftir af tímabilinu hjá þessum liðum og enn getur allt gerst.

 

 

Þá batt Utah Jazz enda á fjórtán leikja sigurgöngu Golden State Warriors með 105-99 sigri. Leikmaður Jazz, Rudy Gobert, frábær í leiknum, skoraði 17 stig og tók 18 fráköst. Golden State þó enn í efsta sæti vesturstrandarinnar, en með sigrinum er Jazz nú jafnt Los Angeles Clippers fyrir lokaleik tímabilsins og á enn möguleika á að stela heimavellinum af þeim í fyrstu umferð úrslitakeppninnar.

 

 

Þá sigraði Portland Trail Blazers lið San Antonio Spurs með þessari laglegu sigurkörfu frá Noah Vonleh.

 

 

 

Staðan í deildinni

 

Úrslit næturinnar

 

Indiana Pacers 120 – 111 Philadelphia 76ers

Brooklyn Nets 105 – 114 Boston Celtics

Cleveland Cavaliers 121 – 124 Miami Heat

Orlando Magic 75 – 122 Chicago Bulls

Charlotte Hornets 79 – 89 Milwaukee Bucks

Washington Wizards 105 – 101 Detroit Pistons

San Antonio Spurs 98 – 99 Portland Trail Blazers

Houston Rockets 96 – 125 Los Angeles Clippers

Utah Jazz 105 – 99 Golden State Warriors