Veðrið var ekki gott í dag en Vestramenn létu það ekki á sig fá og með mikilli skynsemi og stoppum þar sem þess þurfti vegna veðurs náðu þeir á Skagann í tæka tíð til að spila við heimamenn í ÍA. Þetta var þó bara byrjunin á rúmlega 3.000 km. ferðalagi þeirra Vestramanna þessa helgina en ferðin byrjar alla vega vel hjá þeim, enda alltaf gott að koma á Akranes.
Leikurinn í hnotskur
Leikurinn í kvöld var jafn nánast allan tíman, Vestramenn voru þó mestan hluta leiksins í bílstjórasætinu en heimamenn fengu stundum að prófa að stýra en aldrei lengi og voru meira og minna að eltast við gestina. Þrátt fyrir góð tækifæri heimamanna til að ná leiknum í sína stjórn náðu gestrirnir á endanum að fara með sigur að hólmi. Lokatölur á Akranesi í kvöld 67 – 76 fyrir Vestra.
Maðurinn
Hinrilk Guðbjartsson. Af hverju? Kannski af því að hann skoraði 24 stig, tók 8 fráköst og gaf 6 stoðsendingar og stjórnaði leik Vestra af stakri prýði. Það er nákvæmlega þess vegna sem hann var maðurinn í kvöld.
Leikurinn í tölum
Körfubolti er svo miklu meira en bara lokatölurnar, þótt þær dugi fyrir suma. En fyrir þá sem vilja meira þá má glugga í ítarlegri tölfræði hér
Texti: HGH
Mynd/ir: Jónas H. Ottósson
