Keflavík vann í gærkvöldi sinn þriðja leik í röð í Domino´s-deild karla og situr liðið nú í 6. sæti deildarinnar með 20 stig. Aðeins Tindastóll er heitari en Keflavík um þessar mundir en Stólarnir hafa unnið fjóra deildarleiki í röð eftir að þeir töpuðu gegn Njarðvík þann 26. janúar síðastliðinn.

Friðrik Ingi stýrði Keflavík í sínum fyrsta leik þann 16. febrúar síðastliðinn og þar kom 93-80 heimasigur gegn Skallagrím. Skammt var stórra högga á milli því þremur dögum síðar landaði Keflavík 85-92 útisigri gegn Grindavík í Mustad-Höllinni. Í gærkvöldi kom svo þriðji deildarsigurinn í röð eftir mikinn slag gegn Haukum sem lauk með 76-68 sigri Keflavíkur og því óhætt að kalla þetta fljúgandi start hjá Friðriki og Keflvíkingum.

Að sama skapi var þetta sjötta tap Hauka á útivelli í röð og liðið sem barðist um Íslandsmeistaratitilinn á síðasta tímabili rær nú lífróður í deildinni. Hólmarar eru fallnir niður um deild og var það ljóst fyrir nokkru en eftir kvöldið í kvöld eru sex stig í pottinum fyrir liðin í deildinni.

Með þrjú lið á toppnum, eitt lið með 22 stig, tvö lið með 20 stig, þrjú lið með 18 stig geta orðið gríðarlegar sviptingar enn á deildinni og allsendis ómögulegt að spá fyrir um lokastöðuna. Ljóst er að leikurinn í Ljónagryfjunni í kvöld hefur mikla þýðingu fyrir bæði lið. KR í bullandi baráttu um deildarmeistaratitilinn og getur með sigri komið sér eitt á toppinn á nýjan leik en Njarðvíkingar eiga það á hættu að missa af sjálfri úrslitakeppninni.

Nú er rétti tíminn gott fólk til að flykkja sér í bátana því úrslitakeppnin er eiginlega komin, við erum að horfa upp á einn mest spennandi lokasprett í úrvalsdeild karla hin síðari ár. Góða skemmtun!

Staðan í Domino´s-deild karla

  Lið L U T S Stig/Fen +/- Stg í L/Fen m Heima s/t Úti s/t Stig heima s/f Stig úti s/f Síðustu 5 Síð 10 Form liðs Heima í röð Úti í röð JL
1. KR 18 14 4 28 1597/1427 170 88.7/79.3 7/2 7/2 88.6/77.3 88.9/81.2 4/1 8/2 +1 +4 -1 2/0
2. Tindastóll 19 14 5 28 1697/1535 162 89.3/80.8 9/1 5/4 91.0/76.2 87.4/85.9 4/1 7/3 +4 +4 +1 2/0
3. Stjarnan 19 14 5 28 1632/1478 154 85.9/77.8 8/2 6/3 85.1/76.3 86.8/79.4 4/1 7/3 +1 +3 -1 4/2
4. Grindavík 19 11 8 22 1598/1574 24 84.1/82.8 5/4 6/4 87.8/83.2 80.8/82.5 4/1 5/5 +1 -1 +3 3/1
5. Þór Þ. 19 10 9 20 1607/1539 68 84.6/81.0 5/4 5/5 86.8/83.7 82.6/78.6 2/3 6/4 -1 +1 -2 4/5
6. Keflavík 19 10 9 20 1663/1614 49 87.5/84.9 6/4 4/5 92.0/86.0 82.6/83.8 3/2 7/3 +3 +2 +1 0/3
7. ÍR 19 9 10 18 1533/1527 6 80.7/80.4 7/3 2/7 84.0/76.2 77.0/85.0 3/2 6/4 +1 +6 -3 1/2
8. Þór Ak. 19 9 10 18 1609/1614 -5 84.7/84.9 5/4 4/6 82.4/79.9 86.7/89.5 1/4 4/6 -2 +1 -3 1/1
9. Njarðvík 18 9 9 18 1538/1549 -11 85.4/86.1 4/5 5/4 89.9/89.1 81.0/83.0 4/1 5/5 +1 -1 +3 2/0
10. Skallagrímur 19 7 12 14 1630/1728 -98 85.8/90.9 4/5 3/7 88.7/92.7 83.2/89.4 1/4 3/7 -1 +1 -4 5/1
11. Haukar 19 6 13 12 1553/1586 -33 81.7/83.5 5/4 1/9 79.4/77.0 83.8/89.3 1/4 2/8 -3 -1 -6 0/7
12. Snæfell 19 0 19 0 1481/1967 -486 77.9/103.5 0/10 0/9 78.0/101.2 77.9/106.1 0/5 0/10 -19 -10 -9 0/2

Mynd/ skuli@karfan.is – Friðrik Ingi við stýrið í fyrsta sinn hjá Keflavík í leiknum gegn Skallagrím.