Furman Paladins unnu sinn tíunda leik í röð aðfaranótt fimmtudaga er liðið vann Vestur Karólínu skólann 74-62. Kristófer Acox heldur áfram að gera frábæra hluti með Furman en hann endaði með 18 stig og 14 fráköst í leiknum eða tvennu.

 

Tvennan var sú áttunda á tímabilinu hjá Kristófer en hann er nú með 13 stig og 7,5 fráköst að meðaltali í 28 leikum. Gjörsamlega mögnuð tölfræði hjá Kristófer sem er að eiga frábært útskriftartímabil með Furman. 

 

Furman vann þar með sinn tíunda leik í röð og fimmta útileikinn í röð sem er lengsta sigurganga liðsins á útivelli frá árinu 1930. Furman mætir UNC Greensboro á laugardaginn en liðin mættust fyrir þremur vikum og þá höfðu Kristófer og félagar sigur 73-67 þar sem Kristófer var einmitt með tvennu. 

 

 

 

Mynd / Furmanpaladins.com