Heil umferð fór fram í Dominos deild kvenna í kvöld. Í Hafnarfirði voru bæði lið án erlends leikmanns en Haukar sigruðu nokkuð örugglega og skilja þar með Grindavík eitt eftir á botni deildarinnar.
Stjarnan vann frábæran sigur á Keflavík og hafa Keflavíkur stúlkurnar nú tapað tveim leikjum í röð. Nágrannar þeirra í Njarðvík töpuðu einnig á útivelli gegn Val.
Stórleikur umferðarinnar var svo vesturlandsslagurinn í Stykkishólmi þar sem Borgnesingar voru í heimsókn. Skemmst er frá því að segja að Skallagrímur hafði sigur og eru því með jafn mörg stig og Keflavík á toppi deildarinnar.
Staðan í Dominos deild kvenna:
Úrslit dagsins:
Haukar 67-47 Grindavík
Valur 87-79 Njarðvík
Stjarnan 54-51 Keflavík
Snæfell 67-80 Skallagrímur
