Körfuknattleiksdeild Njarðvíkur gaf frá sér tilkynningu rétt í þessu þar sem fram kemur að félagið hafi ákveðið að framlengja ekki samningu sínum við bakvörðinn Stefan Bonneau. Tilkynningu Njarðvíkinga má lesa í heild sinni hér að neðan.

Ákveðið hefur verið að framlengja ekki samningi við Stefan Bonneau bakvarðar okkar til síðustu tveggja ára. Stefan kom sem stormsveipur inní klúbbinn okkar og í raun inní íslenskan körfuknattleik. Drengurinn hefur staðið sig gríðarlega vel í öllu sem hann hefur gert fyrir klúbbinn. Síðustu tvö leiktímabil hafa verið Bonneau erfið sökum alvarlegra meiðsla og hefur hann þurft á tveimur aðgerðum að halda hérlendis vegna þessa og verið í stöðugri þjónustu sjúkraþjálfara. Ungmennafélag Njarðvíkur hefur staðið þétt við bak leikmannsins í gegnum súrt og sætt en nú skilja leiðir Ástæða þess er einfaldlega sú að liðið þarf hærri og sterkari mann í hópinn til að fylla í stöðu miðherja fyrir komandi átök.

Vissulega eru það körfuknattleiksdeild Njarðvíkur ákveðin vonbrigði að geta ekki haldið starfskröftum Bonneau í Ljónagryfjunni enda einn af fremstu leikmönnum deildarinnar.

KKD. UMFN óskar Stefan Bonneau góðs gengis í framtíðinni og þakkar honum samfylgdina og samstarfið síðustu tvö ár.