Real Madrid reyndust vera banabiti  Valencia þetta árið en í kvöld töpuðu þeir appelsínuklæddu leik fjögur gegn Real Madrid á lokametrunum líkt og vanalega 80:82.  Jón Arnór spilaði 15 mínútur í leiknum og skoraði 8 stig fyrir sína menn sem dugðu þó ekki.  Enn og aftur var það Sergio Llull sem reyndist Valencia erfiður ásamt Bandaríkjamanninum Jaycee Caroll sem er líkt og hlaðinn rifill í hvert skipti sem hann mætir til leiks. 

 

Þar með er frábæru tímabili Valencia lokið þó svo að ekki hafi titill komið í hús. Milljón króna spurningin er svo sú hvort þetta hafi verið endalok Jóns Arnórs Stefánssonar í atvinnumennskunni en háværar raddir segja hann jafnvel á leið heim í Dominosdeildina.  Reyndar hafa þessar raddir heyrst síðustu ca 2 árin en aldrei háværari en einmitt núna.  Það væri þá ansi sterkt fyrir deildina að fá okkar allra besta leikmann til að sýna listir sínar á næsta tímabili hér heima fyrir. 

 

Tölfræði leiksins

 

Mynd/ValenciaFacebook: Jón Arnór eftir leik í kvöld