Í kvöld hefst fimmtánda umferðin í Domino´s-deild karla. Fjórir leikir verða á boðstólunum og viðureign Njarðvíkur og KR í beinni hjá Stöð 2 Sport. Allir fjórir leikir kvöldsins hefjast kl. 19:15.

Leikir kvöldsins í Domino´s-deild karla, 19:15

Njarðvík – KR
Þór Þorlákshöfn – FSu 
Stjarnan – ÍR
Snæfell – Grindavík

Njarðvík-KR
Njarðvík og KR ættu að vera fersk þessi dægrin, Njarðvíkingar að mjaka inn nýja manninum Atkinson og höfðu sigur á Keflavík í síðustu umferð og KR-ingar komnir með passann í Laugardalshöll. Það er völlur á þessum klúbbum þessa dagana svo hér ætti að verða tilefni til að mæta með hjartasprengitöflurnar.

Þór Þorlákshöfn – FSu 
Þór Þorlákshöfn og FSu bjóða upp á Suðurlandsskjálfta í kvöld, tíu stig skilja liðin að í deildinni og FSu hefur tapað síðustu tveimur deildarleikjum. Þórsarar eru ekki síður brattir en KR þessi dægrin því þeir veifa líka passa í Höllina og verður fróðlegt að sjá hvernig þessi nágrannaglíma fer þar sem Þór þarf að ná sér niður á jörðina en FSu að rífa sig upp af jörðinni og ná smá flugi ætli þeir sér að eiga von um að halda sæti í deild þeirra bestu.

Stjarnan – ÍR
Stjörnumenn eru á góðu róli í deildinni, hafa unnið þrjá deildarleiki í röð og eru í 3. sæti með 20 stig en 12 stigum aftar koma ÍR-ingar sem í sömu svipan berjast fyrir lífi sínu í deildinni og sæti í úrslitakeppninni. 

Snæfell-Grindavík
Leikurinn er ansi stór því liðin eru með 12 stig í 8. og 9. sæti deildarinnar. Snæfell gerði góða ferð til Grindavíkur í fyrri umferðinni og vann þar 98-99 sigur. Ef Grindavík ætlar sér upp fyrir Snæfell í kvöld og taka innbyrðisviðureignina verða þeir að hafa að minnsta kosti tveggja stiga sigur í kvöld. 

Hörku kvöld framundan kæra körfuknattleiksáhugafólk.
Góða skemmtun – allir á völlinn! 

Staðan í deildinni

Deildarkeppni
Nr. Lið L U T S Stig/Fen Stg í L/Fen m Heima s/t Úti s/t Stig heima s/f Stig úti s/f Síðustu 5 Síð 10 Form liðs Heima í röð Úti í röð JL
1. Keflavík 14 11 3 22 1330/1259 95.0/89.9 5/2 6/1 94.4/89.1 95.6/90.7 4/1 7/3 -1 -1 +2 4/0
2. KR 14 11 3 22 1250/1027 89.3/73.4 6/1 5/2 90.9/70.6 87.7/76.1 4/1 8/2 +2 +1 +3 1/2
3. Stjarnan 14 10 4 20 1182/1085 84.4/77.5 6/1 4/3 86.3/76.0 82.6/79.0 4/1 8/2 +3 +3 +2 4/2
4. Njarðvík 14 9 5 18 1187/1149 84.8/82.1 5/2 4/3 85.3/80.6 84.3/83.6 4/1 7/3 +2 +2 +1 1/0
5. Þór Þ. 14 8 6 16 1215/1115 86.8/79.6 3/4 5/2 86.0/78.3 87.6/81.0 3/2 6/4 +1 -1 +1 1/1
6. Haukar 14 7 7 14 1160/1102 82.9/78.7