KKÍ og Félag heyrnarlausra unnu saman að myndbandi við lagið „Ég er kominn heim“ eftir Óðinn Valdimarsson en hugmyndin að verkefninu kom frá Björgu Hafsteinsdóttur, fyrrum landsliðskonu Íslands.

Hulda Halldórsdóttir syngur lagið á táknmáli ásamt leikmönnum úr A-landsliði karla og kvenna, þeim Auði Írisi Ólafsdóttur, Bryndísi Guðmundsdóttur, Helenu Sverrisdóttur, Pálínu Gunnlaugsdóttur, Hauki Helga Pálsyni, Ragnari Natanaelsyni og Ægi Þór Steinarsyni en öll stóðu þau sig frábærlega eins og þeim er einum lagið.