FSu vakti athygli á undirbúningstímabilinu fyrir vasklega framgöngu. Þar á bæ er Erik Olson við stjórnartaumana en hann stýrði liðinu upp um deild eftir sigur á Hamri í oddaleik 1. deildar á síðasta tímabili. Tímabilið í ár verður það þriðja sem FSu mun taka þátt í úrvalsdeild en 2008-2009 og 2009-2010 lék liðið fyrstu tvö árin sín í deild þeirra bestu. Karfan.is tók púlsinn á Olson fyrir tímabilið.
Leikmannahópur liðsins (komnir/farnir)
Komnir:
Gunnar Harðarson KR, USA
Bjarni Gunnarsson Valur
Chris Caird Drake, USA
Chris Anderson LA Tech, USA
Farnir
Erlendur Stefánsson BHSU, USA
Fraser Malcolm BHSU, USA
Collin Pryor Fjölnir
Hvernig hefur undirbúningur liðsins gengið í sumar og upp á síðkastið?
Verandi eitt af nýju liðunum í deildinni þurfum við að taka framförum sem einstaklingar strax í sumar sem og að taka framförum sem lið. Við fórum af stað á fullu snemma í ágúst og til þessa hefur okkur miðað vel áfram. Áskorunin við nýja leikmenn er alltaf sú að færa þá inn í hlutina sem liðið er að gera og fá þá til að standa undir þeim væntingum sem til þeirra eru gerðar. Þetta er ferli og við einbeitum okkur mikið að þessu ferli. Hingað til hafa nýju leikmennirnir komist vel frá sínu og strax fært liðinu ákveðin gæði og það verður að halda áfram svo árangur náist okkar megin.
Komandi tímabil og væntingar þjálfara og liðsins til þess?
Núna hafa allir miklar væntingar til leiktíðarinnar og við erum engin undantekning. Við munum leggja áherslu á þá þætti sem við höfum stjórn á sem er að bæta okkur sem ein eining inni á vellinum. Sem lið höfum við háleit markmið og vinnuframlagið okkar verður að vera í samræmi við markmiðin. Framundan eru strembin kvöld, hæðir og lægðir en okkar tilfinning er sú að hæfileikarnir og leikaðferðirnar séu til staðar til þess að vera með samkeppnishæft lið og valda jafnvel smá usla í deildinni.
Hvaða lið telur þú sterkust í dag fyrir mót?
Það er erfitt að svara þessari spurningu, þar sem KR eru meistarar síðustu tveggja ára eru þeir liðið til að vinna. Að þessu sögðu þá er alltaf pláss fyrir önnur lið til að hitna og ná í sigra jafnvel þó pappírarnir segi annað. Í deildinni verða nokkur mjög hæfileikarík lið og baráttan verður hörð fyrir alla þessa leiktíðina þar sem körfuknattleikurinn heldur bara áfram að taka framförum hér á landi.
Liðsskipan FSu:
| Númer | Nafn | Leikstaða | Hæð | Þyngd | Fæðingardagur | Fæðingarstaður | Spilar frá | |
|---|---|---|---|---|---|---|---|---|
 |
Framherji | – | – | 16-08-1992 | – | 07-10-2015 | ||
| – | – | – | 06-07-1995 | – | 07-10-2015 | |||
 |
Bakvörður | – | – | 08-09-1996 | – | 07-10-2015 | ||
| 4 | |
Bakvörður | 174 cm | 70 kg | 23-08-1992 | Stykkishólmur | 07-10-2015 | |
| 4 | Bakvörður | – | – | 20-04-1998 | – | 07-10-2015 | ||
| 7 | |
Bakvörður | 180 cm | – | 22-01-1996 | – | 07-10-2015 | |
| 9 | |
Bakvörður | 186 cm | 86 kg | 28-12-1989 | Selfoss | 07-10-2015 | |
| 9 | |
Framherji | 190 cm | – | 05-02-1998 | – | 07-10-2015 | |
| 11 | |
Miðherji | 196 cm | – | 06-08-1997 | – | 07-10-2015 | |
| 11 | |
Miðherji | 200 cm | – | 08-03-1988 | – | 07-10-2015 | |
| 12 | |
Miðherji | – | – | 13-09-1994 | – | 07-10-2015 | |
| 13 |
