Meiðslapésinn Derrick Rose verður frá í tvær vikur með brotið kinnbein eftir að hafa fengið olnbogaskot á æfingu á þriðjudag. Eftir árangursríka aðgerð í gær var tímalínan á endurkomu sett á tvær vikur en það getur teygst til ef bólga gengur hægt til baka. Orlando Magic leikmaðurinn Victor Oladipo var t.d. frá í tæpan mánuð með sambærileg meiðsli. 

 

Rose hefur verið mikið frá undanfarið vegna meiðsla á hnjám en svo virðist sem þessi meiðsl muni ekki taka mikið frá honum eða liðinu. Rose verður að öllum líkindum klár í slaginn þegar deildarkeppnin hefst í lok þessa mánaðar. Bulls mega lítið við fréttum sem þessum þar sem mikilvægur hlekkur í sóknarleik þeirra, Mike Dunleavy er fré í 8-10 vikur vegna bakmeiðsla.

 

Rose á langan lista að meiðslum eins og tístið hérna að neðan gefur til kynna, en meiðslasaga hans og Russell Westbrook er mikið til eins þó álit körfuboltaáhugamanna á þessum tveimur leikmönnum sé ólíkt.