Körfuknattleiksdeild Keflavíkur hefur náð samkomulagi við Guðlaugu Björt Júlíusdóttur fyrir komandi tímabil.
Guðlaug er 19 ára og spilaði með Grindavík á síðasta tímabili. Hún er 172 cm á hæð og leikur sem lítill framherji. www.keflavik.is greinir frá.

Í frétt Keflavíkur segir einnig:

Í sumar hefur Guðlaug haldið sér í góðu formi með U20 ára landslið Íslands þar sem þær ferðuðust til Danmerkur og spiluðu á Norðurlandamótinu.

Körfuknattleiksdeild Keflavíkur hlakkar mikið til að starfa með Guðlaugu í vetur og erum við mjög ánægð með liðsaukann.