Fram að þessu hefur Karfan.is birt fasta samantekt á helstu tölfræðiliðum liða og leikmanna (eins og þessa). Þar hefur aðeins verið hægt að sjá liðin og leikmennina eftir sérstakri röð eða heildareinkunnargjöf liða skv. Four Factors greiningu og bestu leikmenn deildarinnar skv. PER (Player Efficiency Rating) mælikvarða. Nú verður boðið upp á nýjungar í þessum efnum.
 
Hér að neðan eru tenglar á þrjú Excel skjöl sem hægt er að skoða gagnvirkt á netinu án þess að þurfa Excel forritið sjálft. Þar er hægt að sjá hvernig hvert og eitt lið stendur andspænis öðrum liðum í deildinni í hverjum og einum tölfræðilið, skv. Four Factors greiningu. Hægt er að raða upp liðunum eftir hvaða þætti sem er eða t.d. Pace (leikhraða). Það er gert með hnöppunum sem eru við haus hvers tölfræðiliðs.
 
Einkunnargjöf liða er á þesssa leið: Skotnýtingin (eFG%) fær mesta vigt eða 40%, tapaðir boltar (TOV%) 25%, sóknarfráköstin (ORB%) 20% og að lokum hlutfall víta og skottilrauna (FT/FGA) 15%. Vegið meðaltal þessara þátta gefa svo einkunn hvers liðs í sókn (S) og vörn (V). Jafnt meðaltal þessara tveggja vegnu meðaltala sýnir svo “Alls” dálkinn. Lægstu gildin í S, V og Alls dálkunum sýna bestu liðin í sókn, vörn og í heildina. 
 
Til að sjá tölfræði leikmanna þarf að smella á “Leikmenn” flipann neðst í skjalinu. Þar sést tölfræði helstu leikmanna deildarinnar (leikmenn sem leikið hafa 38% af mögulegum mínútufjölda í leikjum liðs eftir þær umferðir sem spilaðar hafa verið. Þetta er það lágmark sem sett er á útreikning PER mælikvarðans.
 
Meðfylgjandi mynd sýnir það sem þarf að huga að varðandi þessi skjöl. Uppröðunina, meðaltöl deildarinnar, útskýringar á hverjum tölfræðiþætti og svo hvar hægt er að finna leikmannaflipann.
 
 
Tenglar: