ÍR hefur samið við Pálma Geir Jónsson sem leikið hefur með Breiðabliki í 1. deild karla undanfarin 2 ár. Pálmi semur við ÍR til loka næstu leiktíðar.
 
Pálmi er með 12,6 stig að meðaltali í leik á þessari leiktíð og 8,5 fráköst. 50,8% nýtingu í tveggja stiga skotum og 29,1% í þriggja stiga með 5 skot að meðaltali í leik. Hann hefur gefið 2,6 stoðsendingar að meðaltali á þessari leiktíð og er fimmti í deildinni í vörðum skotum með 1,2 í leik.
 
“Við erum búnir að vera að fylgjast með Pálma í töluverðan tíma,” sagði Elvar Guðmundsson, formaður körfuknattleiksdeildar ÍR í samtali við Karfan.is. “Flottur leikmaður sem við erum fullvissir um að muni smellpassa inn í hópinn og hjálpa liðinu í þeirri miklu baráttu sem framundan er.”
 
Pálmi verður tilbúinn til leiks þegar ÍR mætir Fjölni í Hertz hellinum á fimmtudaginn nk.
 
 
Mynd: Pálmi og Elvar handsala samninginn í dag. (ÍR)