Portland vann uppgjör toppliðanna

Sjö leikir fóru fram í NBA deildinni í nótt og beindust eflaust flestra augu að stórleik Portland og Oklahoma sem sitja á toppi vesturstrandarinnar. Leikurinn fór fram á heimavelli Portland þar sem LaMarcus Aldridge fór mikinn með 38 stig, 13 fráköst og 5 stoðsendingar. Kevin Durant var svo stigahæstur í liði Oklahoma með 33 stig og 7 fráköst.

 

 

Portland er nú næstefsta lið NBA deldarinnar með 16 sigra og 3 tapleiki en það eru Indiana á Austurströndinni sem eru með 17 sigra og 2 tapleiki. Portland leiðir Northwest riðil vesturstrandarinnar og fylgir Oklahoma þeim fast á hælana.

 

Í nótt varð að fresta viðureign San Antonio Spurs og Minnesota sem fara átti fram í Mexíkóborg þar sem rafall utan við húsnæðið gaf sig og fyllti höllina af reyk.