Jón Halldór Eðvaldsson þjálfari Grindavíkurkvenna tjáði Karfan.is það í dag að Pálína María Gunnlaugsdóttir verður frá leik með Grindvíkingum næstu 8-12 vikurnar eða svo. Pálína er með rofið liðband sagði Jón Halldór í snörpu samtali við Karfan.is.
 
 
„Rofið liðband varð niðurstaðan, hún er ekki úr leik þetta tímabilið og gæti verið klár í kringum mánaðarmótin janúar-febrúar,“ sagði Jón Halldór en ekki þarf að fjölyrða um þessa blóðtöku fyrir Grindvíkinga.
 
Grindvíkingar eru sem stendur í 5. sæti deildarinnar og hefur Pálína gert 17,4 stig, tekið 9,1 frákast og gefið 4,3 stoðsendingar að meðaltali í leik auk þess að vera einn allra besti varnarmaður deildarinnar.
  
Mynd/ Axel Finnur