Jón Arnór Stefánsson var ekki með liði sínu Zaragoza í dag þegar það tapaði naumlega fyrir Gran Canaria, 58:55, í spænsku ACB-deildinni í körfuknattleik. mbl.is greinir frá.
 
 
Jón Arnór er á leið í aðgerð vegna meiðsla í hné og er talið að hann verði frá keppni næstu þrjár vikurnar eða svo af þeim sökum. Hann missir því líklega af fjórum leikjum til viðbótar þó að hann gæti hugsanlega náð að mæta Real Madrid 4. janúar.
 
 
Hörður Axel Vilhjálmsson og félagar í botnliði Valladolid máttu þola mikinn skell í Barcelona í dag. Börsungar skoruðu rúmlega tvöfalt fleiri stig en gestirnir og unnu 109:50. Hörður Axel lék í 20 mínútur en skoraði ekki stig að þessu sinni.