Haukur Helgi Pálsson var í byrjunarliði Breogan í gær og gerði 13 stig í sigri Breogan gegn Melilla Baloncesto í LEB Gold deildinni á Spáni. Með sigrinum fór Breogan upp í 3. sæti deildarinnar.
 
 
Haukur Helgi lék í 27 mínútur og skoraði eins og áður segir 13 stig og tók 6 fráköst. Michel Diouf var stigahæstur í liði Breogan með 16 stig. Breogan hefur nú leikið 10 leiki í LEB Gold deildinni, unnið 7 og tapað þremur en Andorra og Palencia eru í jöfn á topp deildarinnar með 8 sigra og tvo tapleiki.
 
Næsti leikur Breogan er á útivelli gegn einmitt toppliði Palencia næsta föstudag, 13. desember.
 
Staðan í LEB Gold deildinni
LEB Gold Standings
 1. Andorra 8-2 
 2. Palencia 8-2 
 3. Breogan 7-3 
 4. Coruna 7-3 
 5. Burgos 7-3 
 6. Oviedo 6-4 
 7. Penas Huesca 6-4 
 8. Clinicas Rincon 4-6 
 9. Cocinas.com 4-6 
 10. Forca Lleida 3-7 
 11. Melilla 3-7 
 12. Planasa NV 3-7 
 13. FCB Regal II 2-8 
 14. Ourense 2-8